Patay ang usa ka payong -payong driver human gipusil sa wala pa mailhing suspek karung buntag sa Domingo, Enero 18, 2026 sa Mother Barangay Poblacion, Cotabato City.
Gi-ila ang biktima nga si Julhamin A. Abang, 25 anyos, ug residente sa Purok Islam, Rosary Heights 6, Cotabato City.
Nahibal-an nga samtang sakay sa payong-payong nga motorsiklo ang biktima, kalit lang kini giduolan ug giratratan sa suspek ug naigo sa lain-lain nga parte sa iyang lawas nga hinungdan sa iyang hinanaling kamatayon.
Narekober sa crime scene ang lima ka wala’y sulod nga bala gikan sa gitoohang .45 caliber pistol.
Samtang hustisya ang syagit sa pamilya sa biktima ug padayon ang PNP sa lalom nga imbestigasyon arun manubag ang mastermind sa pagpatay sa biktima.