Gisugdan na ang upat ka adlaw nga 41st Councilwide Camp sa Girl Scouts of the Philippines nga gipahigayon sa Energy Park, sugod kagahapon, Enero 15 hangtod Enero 18, 2026.
Sa upat ka adlaw nga camp, maghiusa ang mga girl scout gikan sa nagkalain-laing tulunghaan sa Davao del Norte aron muapil sa mga kalihukan nga magpalig-on sa ilang liderato, disiplina, pagtinabangay, ug survival skills.
Lakip niini ang team-building activities, leadership training, outdoor skills, ug mga session nga magtudlo sa importansya sa serbisyo sa komunidad ug pag-atiman sa kinaiyahan.
Ang maong kalihukan naghatag og higayon sa mga kabatan-onan nga mapalapad ang ilang kahibalo, mapalig-on ang pagsalig sa kaugalingon, ug mapanday ang espiritu sa pag-alagad isip responsableng Girl Scouts.
