Patay ang usa ka upat ka tuig nga bata human kini gilumsan sa kaugalingong inahan nga gitoohang na’ay sakit sa pangutok sa baybayon nga parte sa Barangay Abong-abong, Tabina, Zamboanga del Sur adtong Martes, Enero 20, 2026.
Nahibal-an nga nakita sa testigo nga nakita ang inahan nga si alyas “Charilyn” nga wala’y sanina ug karga niini ang bata nga wala’y sanina pud ug nilabay ang pila ka oras, nakita nga nibalik ang inahan peru wala na ang bata busa nitawag dayon kini ug tabang sa mga otoridad ug gilunsad ang search and rescue ug nakita ang bata nga naglutaw-lutaw sa dagat ug wala na’y kinabuhi.
Sa pagkakarun, nagtingkagol na ang maong inahan sa presohan ug nag-atubang sa tukmang kaso ug ang pamilya nag-atubang sa kasubo sa nahitabo tungod sa sakit niini nga lambigit sa sakit sa pangutok.