Patay ang nurse ug tricycle driver human sa pagpamusil nga nahitabo karung buntag sa Martes, Pebrero 3, 2026 sa Apparente Street, Barangay City Heights, General Santos City.
Gi-ila ni Police Major Ivan Charles Abastillas, Hepe sa San Isidro Police Station, ang mga biktima nga sina Iven Conde, tricycle driver, residente sa Nopol Klinan 5, Barangay Mabuhay, ug ang iyang pasahero nga si Nhiezer Rolliene Jane Aguacito, usa ka registered nurse ug residente sa Oringo Subdivision, Barangay City Heights.
Nahibal-an nga kalit lang kini gipaulanan ug bala ang duha ka biktima sa duha ka suspek nga sakay sa usa ka motor ug daling ni-ikyas human ang pagpamusil ug padayon ang San Isidro PNP sa pagbuhat sa lalom nga imbestigasyon arun mailhan ang mga suspek ug mahibal-an ang motibo sa pagpatay.