Sikop ang usa ka lalaki nga 18 anyos human kini nakwa-an ug kapin sa lima ka kilo sa gituohang marijuana nga adunay kantidad nga ₱1.6 milyon atol sa usa ka buy-bust operation sa PLDT Village, Talomo Proper, Davao City niadtong Miyerkules sa hapon, Pebrero 4, 2026.
Gi-ila ang suspek nga si alyas “John” nga nag-atubang sa kasong Comprehensive Dangerous Drugs Act of 2002 o Republic Act No. 9165.
Nahibal-an nga nakapalit ang poseur buyer ug gito-ohang marijuana ug dali kining gidakop ug nadiskubre ang upat ka dagkong vacuum-sealed nga pakete ug 24 ka gagmayng sachet nga ana-ay kabug-aton nga moabot sa 5.2 kilo.
Hugot ang kampanya sa PNP ug PDEA arun mahunong ang paggamit sa mga iligal nga droga sa atung nasud nga nagahatag ug kasamok ug gub-on lng ang maayong kaugmaon sa atong kabatan-onan.
Photos by: PDEA