Ni-surrender ang magti-ayon nga parehong finance officer sa New People’s Army (NPA) sa mga otoridad sa Impalambong, Malaybalay City, Bukidnon adtong Martes, Pebrero 3, 2026.
Gi-ila ang magti-ayon nga sina alyas “Richard/Makong” 50 anyos, residente sa Anahaw, Brgy Bantawan, Gingoog City, Misamis Oriental, Finance Officer sa SRC 1, NCMRC ug si alyas “Ensi” 50 anyos nga taga Abakahan, Brgy San Luis, Malitbog, Bukidnon, Finance Officer/SO, SRC 1, NCMRC.
Atol sa maong pagsurender, giturn-over sa mga NPA high ranking officials ang nagkalain-laing armas, lakip ang duha ka M14, tulo ka M635 baby armalite, usa ka improvised Rocket Propelled Grenade Launcher (RPG), ug usa ka M1 Garand, uban ang mga buhing bala.
Padayon ang pag-awhag sa uban nga miyembro ug tagasuporta sa NPA nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya ug pagpanalipod gikan sa atong AFP ug PNP arun makab-ot ang tinuuray nga kalinaw ug kalamboan sa atong nasud.