Personal nga gibisita ni Police Brigadier General Marcial Mariano P. Magistrado IV, amahan sa Police Regional Office 13 si Hon. Ronito Martizano, Mayor sa Munisipyo sa Barobo, Surigao del Sur human kini gi-ambush kagahapon, Pebrero 3, 2026 sa Brgy. Kauswagan, Barobo, Surigao del Sur.
Hugot nga gikondena ni RD Magistrado IV ang pagpamusil sa maong Mayor ug personal nga nibisita ug nagpa-abot ug pasalig nga nagpabilin nga hingpit sa pagsulbad sa kaso sa labing madaling panahon ang PRO 13.
Si Mayor Martizano ug ang iyang escort anaa karon sa stable nga kondisyon ug nakadawat sa angay nga medikal nga pag-atiman.
Gisusi pud ni RD Magistrado IV ang sakyanan nga gigamit sa Mayor Martizano atol sa insidente aron makahimo og mas tukma nga rekonstruksyon sa panghitabo ug mapamatud-an ang mga importanteng detalye nga may kalabotan sa nagpadayon nga imbestigasyon ug aron mapalig-on pa ang mga paningkamot sa imbestigasyon, usa ka Special Investigation Task Group (SITG) MARTIZANO ang gi-activate, uban ni Police Colonel Jeffrey Lawrence D. Mauricio, Provincial Director sa Surigao del Sur PPO, nga gitudlo isip Task Group Commander aron mangulo sa usa ka naka-focus, hingpit, ug paspas nga imbestigasyon.
“Hugot nga gikondenar sa PRO13 kining walay pulos nga buhat sa kapintasan. Gipasalig namo sa publiko nga ang tanan nga gikinahanglan nga mga kahinguhaan gipalihok, ug dili kami magbilin ug bisan unsang bato nga dili masusi hangtod nga ang mga responsable madala sa atubangan sa hustisya,” ingon ni PBGen Magistrado IV.