Nasakmit ang nasa mikabat ₱5.6 milyon sa puslit nga yosi ug balhog sa presohan ang upat ka indibidwal sa gihimo nga checkpoint operation sa PNP Highway Patrol Group Bukidnon sa Diversion Road, Barangay Patpat, Malaybalay City, Bukidnon niadtong pasado 5:00 sa hapon sa Domingo, Pebrero 8, 2026.
Nadakpan sa maong operasyon ang upat ka indibidwal, ang duha niini kay driver sa duha ka closed van truck ug ang duha kay pahinante nga nagsagubang sa kasong Republic Act No. 10863 o ang Customs Modernization and Tariff Act, ug Republic Act No. 10643 o ang Anti-Smuggling Act of 2016.
Gi-ila ang mga suspek nga sina alyas “Al”, 25 anyos, residente sa Jolo, Sulu; alyas “Rahim”, 43 anyos; alyas “Romar”, 33 anyos; ug alyas “Amid”, 26 anyos, pulos residente sa Zamboanga City.
Narekober sa PNP HPG-Bukidnon ang 140 Master Cases sa puslit nga yosi ug nagpahinumdom nga dili magbuhat sa smuggling nga aktibidad arun dili mo ugda sa pagkapreso.