Gipahigayon ang command visit sa Police Regional Office 11 ni Police General Jose Melencio C Nartatez Jr., Chief, PNP sa Camp Quintin M Mericido, Buhangin, Davao City karung buntag sa Lunes, Pebrero 9, 2026.
Gitagbo kini sa mga PNP personnel sa PRO 11 nga gipangunahan ni Police Brigadier General Leon Victor Z Rosete, Regional Director sa PRO 11 ug gihatagan ug Arrival Honor.
Atol sa iyang pagbisita, si CPNP Nartatez Jr., nakig-alayon sa mga personahe lakip na ang mga PCO, PNCO, ug NUP, nga nagsusi sa pagsunod sa rehiyonal nga opisina sa PNP Focused Agenda ug nagpasiugda sa kamahinungdanon sa usa ka moderno, community-oriented nga pwersa sa pulisya.
Gipanghinambog niini sa gihimong Talk to Men ang taas nga dagdag sahod sa kapulisan nga gi-aprubahan ni President Ferdinand “Bongbong” Marcos Jr., ug nanawagan nga buhaton ang trabaho labi na sa pagpatrolya ug pag-imbestiga.
Samtang naghatag ug usa ka minute nga pag-ampo sa nitaliwan nga opisyal nga si Police Lieutenant Colonel Deozar Almasa, Assistant Chief ug naka-assign sa Regional Logistics and Research Development Division sa PRO XI.
Gisiguro ni CPNP Nartatez Jr., nga wala’y white wash ug cover up sa pagkamatay sa maong opisyal nga nakit-an nga wala na’y kinabuhi sulod sa kampo ug atol sa pagbisita niini.