Naghatag ug duha ka bulan nga ultimatum ang Department of the Interior and Local Government (DILG) sa tanang local government units (LGUs) nga tangtangon ang mga ngalan, hulagway, ug mga promotional materials sa mga politiko nga ‘Epal’ gikan sa mga proyekto nga gipondohan sa gobyerno.
Sumala ni Hon. Jonvic Remulla, DILG Secretary, gihimo tungod kay mahimong molungtad og unom ngadto sa walo ka semana aron ang mga LGU motuman sa ‘Anti-Epal Policy’ sa gobyerno.
Kini pinaagi sa gipagawas nga memorandum order sa DILG niadtong Enero 21, 2026, diin nagdili sa bisan kinsang politiko sa pagbutang sa ilang ngalan, hulagway, ug uban pang mga promotional materials sama sa mga billboard, streamer, ug sticker sa bisan unsang mga proyekto sa gobyerno.
Giklaro ni DILG Secretary Remulla, nga ang mga proyekto sa gobyerno gikan sa buhis sa katawhan ug dili mahimong gamiton sa bisan kinsang politiko aron lang mohumot ang pangalan ug gamiton kini alang sa personal nga promosyon.
“A good job sells itself. If you perform well, it sells itself. You don’t need to ‘epal’,” mensahe ni DILG Secretary Remulla.