Patay ang usa ka commanding officer sa New People’s Army (NPA) human ang nahitabong engkwentro tali sa mga kasundaluhan adtong Lunes sa hapon, Pebrero 16, 2026 sa Sitio Tacocon, Barangay Kasapa II, La Paz, Agusan del Sur
Gi-ila ang napatay nga si alyas “Kumander Tado”, Commanding Officer sa Regional Operations Command sa North Central Mindanao Regional Committee (ROC NCMRC), ug nagpuyo sa Lagonglong, Misamis Oriental ug sobra 40 ka tuig nang naglihok sa walhong grupo.
Nahibal-an nga narekober usab ang usa ka high-powered firearm niini ug sumala pa sa kasundaluhan nga sukad pa adtong nilabay nga tuig kining gigukod sa bukirong bahin sa Impasug-ong hangtud nga niabot sa boundary sa lungsod sa Cabanglasan, Bukidnon partikular sa Sitio Tacocon, Barangay Kasapa II, La Paz, Agusan del Sur.
Padayun ang gihimong brigade operations ug back tracking sa withdrawal routes sa 14 ka mga nahibiling kauban niini ug gi-awhag ang uban pang miyembro sa NPA nga mobalik sa sabakan sa gobyerno arun magsukod ug utro kauban sa ilang pamilya ug layo sa kasamok nga dala sa teroristang grupo.
📷 403rd Infantry “Peacemaker” Brigade Philippine Army