Patay ang pag-umangkon ni Sharif Aguak Mayor Datu Akmad Mitra Ampatuan samtang samdan ang igsoon niini sa nahitabong ambush sa National Highway sa Datu Saudi Ampatuan, Maguindanao del Sur niadtong Martes, Pebrero 17, 2026.
Gi-ila ang namatay nga si Datu Gara Ampatuan, pag-umangkon ni Mayor Datu Akmad Mitra Ampatuan ug samdan ang manghod niini nga lalaki nga si Datu Mama Ampatuan.
Sumala pa sa report nga samtang nagbiyahe ang mga biktima sakay sa itom nga Nissan Livina na may Plate Number LARGE 2874 gikan sa Cotabato City ug mo uli na sa Shariff Aguak, kalit lang giratrat sa wala mailhing mga suspek ang maong sakyanan ug paspas nga nisibat human ang pagpamusil sakay sa puti nga minivan.
Swerte na lamang nga bisan na igo sa bala ang driver, nakadrive pa kini taman sa Datu Unsay para mangayo ug tabang ug daling gidala ang mga biktima sa hospital.
Mahinumduman nga gi-ambush si Mayor Datu Akmad mitra ug gigamitan pa ug rocket-propelled grenade (RPG) ang sakyanan niini ug swerte usab nga wala kini nakahiga-om ug samad samtang ang duha sa iyang security escorts ang samdan sa nahitabong ambush niadtong Enero 25, 2026 sa Barangay Poblacion, Shariff Aguak, Maguindanao del Sur.
Samtang, nagpabilin ang lalom nga imbestigasyon sa Police Regional Office Bangsamoro Autonomous Region ubos sa pagdumala ni Police Brigadier General Jaysen C De Guzman, inubanan sa kasundaluhan, ug gipahugtan ang seguridad arun madakpan ang nagpaluyo ug gikondinar ang maong pag-ambush nga usa ka lakang sa bayolente ug terorismo ug gisiguro nga manubag ang mga tao nga nagpaluyo niini.