Nasakmit ang nasa mikabat ₱600,000.00 sa puslit nga yosi sa gihimo nga checkpoint operation sa mga otoridad sa Barangay Samburon, Linamon, Lanao del Norte niadtong Pebrero 17, 2026.
Matud pa nga usa ka itom nga metallic Toyota Avanza nga gimaneho sa usa ka 30 anyos nga lalaki, minyo ug kauban niini ang usa ka 26 anyos, minyo, lalaki ug parehong residente sa Purok 1A, Poblacion, Linamon, Lanao del Norte.
Nakuha gikan sa maong operasyon ang 750 reams, ang 200 reams mao ang Cannon Menthol ug 550 reams sa Modern nga puslit nga yosi nga mo abot sa ₱600,000.00 ug gidakop ang duha ka personahe human wala kini ma iprisenta nga legal nga dokumento.
“This operation reflects our commitment to protecting the public and safeguarding government revenues from illegal trade. We will continue strengthening our presence in strategic areas to deter smuggling and other criminal activities.” mensahe ni Police Colonel Leo Sua, Acting Provincial Director sa Lanao del Norte Police Provincial Office.