Nasakmit ang nasa mikabat ₱126,640.64 sa puslit nga yosi sa gihimo nga operasyon sa mga otoridad sa Barangay Daguan, Kapatagan, Lanao del Sur niadtong Domingo, Marso 1, 2026.
Nahibal-an nga sakay ang babae sa Rural Transit bus ug padulong unta sa Cotabato City, sa dihang nagsugod og inspection ang kapulisan, ug nadiskubrehan ang 148 ka reams sa White Fort nga puslit nga yosi ug 18 ka pares sa tsinelas.
Nag-atubang ang suspek sa kaso sa paglapas sa R.A. 10643 o ang Graphic Health Warning on Tobacco Products ug R.A. 10863 o ang Customs Modernization and Tariff Act.
Padayon nagpahinumdom ang Kapatagan PNP nga dili magbuhat sa smuggling nga aktibidad arun dili mo ugda sa pagkapreso.