Patay ang usa ka sub-leader sa lokal nga teroristang grupo human sa gipahigayon nga military operation sa Brgy. Tinimbacan, Banisilan, Cotabato sayo sa kaadlawon niadtong Dominggo, March 8, 2026.
Giila ang namatay nga si alyas “Alpha King,” sub-leader sa Dawlah Islamiyah–Hassan Group.
Nakarekober ang usa ka M653 rifle atol sa clearing operations sa kasundaluhan.
Nahibal-an nga ang suspek gi-ilang High Value Individual tungod sa pagkalambigit niini sa pipila ka bayolenteng mga aktibidad sa rehiyon ug nag-atubang sa nagkadaiyang kaso lakip ang Multiple Attempted Murder, Destructive Arson, paglapas sa Anti-Terrorism Act, ug Double Murder.