Arestado ang kanhi Political Instructor sa New People’s Army sa gihimo nga operasyon sa sa mga awtoridad sa Davao City niadtong Martes, Marso 3, 2026.
Giila ang suspek nga si alyas “Che-Che,” usa ka kanhi nga Political Instructor ubos sa SYP16A, Guerilla Front Committee 16, Northeastern Mindanao Regional Committee sa NPA.
Nasayran nga gidakop ang suspek pinaagi sa Warrant of Arrest tungod sa kaso nga Murder, nga walay girekomenda nga piyansa.
Padayon ang pag-awhag sa uban nga miyembro ug tagasuporta sa NPA nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya ug pagpanalipod gikan sa PNP arun makab-ot ang tinuuray nga kalinaw ug kalamboan sa atong nasud.