Nasakmit ang nasa mikabat ₱270.9 milyon sa puslit nga yosi sa gihimo nga operasyon sa mga otoridad sa Tapian Point, Datu Odin Sinsuat, Maguindanao del Norte niadtong Domingo, Marso 1, 2026.
Nasayran nga napansin sa Philippine Navy nga walay navigational lights ang duha ka barko nga MB Makhfiyyan 5 ug MB Makhfiyyan nga gikan sa Tawi-Tawi ug padulong sa Picong, Lanao del Sur.
Tungod niini, gihimo ang Visit, Board, Search, and Seizure sa mga otoridad, ug didto nadiskubrehan ang mga puslit nga yosi nga mokabat og 2,000 ka master cases sa Seven Kings.
Ang kantidad niini kay ₱216,704,723.00 alang sa MB Makhfiyyan 5 ug ₱54,280,912 alang sa MB Makhfiyyan, nga adunay kinatibuk-ang kantidad nga ₱270,985,685.
Ang pagkarekober sa dakong kantidad sa nasakmit nga puslit nga yosi resulta kini sa mas gipakusgan nga operasyon batok sa iligal nga mga kalihokan, kriminalidad, ug border control sa Philippine Navy ug PNP para makab-ot ang tukmang kalig-on ug kauswagan sa atung nasud.