Narekober ang nasa Php338,310 nga kantidad sa mineral ores sa gihimong joint anti-illegal mining operation sa mga awtoridad sa Opol, Misamis Oriental niadtong Martes, Marso 3, 2026.
Giila ang suspek nga si alyas “Yan-Yan,” 35 anyos, driver, minyo, ug residente sa Valencia City.
Nahibal-an nga nadiskubre ang karga nga 179 ka sako nga ginatuohan adunay sulod nga mineral ores sa gidrayban niini nga isa ka Elf truck ug sa dihang gipangayoan ug angay nga dokumento o permit sa iyang karga, wala kini maipakita busa gidakop sa kapulisan.
“This operation is a testament to our commitment to prevent the illegal transport of mineral resources and enforce environmental laws. PRO10, in close coordination with partner agencies, will remain relentless in holding violators accountable,” mensahe ni Police Brigadier General Christopher N Abrahano, Amahan sa Police Regional Office 10.