Ni-surrender ang upat ka miyembro sa New People’s Army (NPA) sa mga otoridad sa opisina sa 26th Infantry Battalion sa Talacogon, Agusan del Sur adtong Lunes, Marso 2, 2026.
Gi-ila ang mga ni-surrender nga miyembro sa North Central Mindanao Regional Committee (NCMRC) ug giturn-over pud niini ang lima ka high-powered firearms nga naglangkob sa tulo ka M16 rifles, usa ka AK-47 rifle, ug usa ka M4-type carbine, uban pang nagkalain-laing magasin, mga bala, communication equipment, ug medical paraphernalia.
Padayon ang pag-awhag sa uban nga miyembro ug tagasuporta sa NPA nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya ug pagpanalipod gikan sa atong AFP ug PNP arun makab-ot ang tinuuray nga kalinaw ug kalamboan sa atong nasud.
Photos by: 26th Infantry Battalion