Sikop ang tulo ka armadong lalaki human masakpi nga nagbungkag sa barbed wire nga koral sa usa ka pribadong umahan sa paspas nga pagresponde sa mga kapulisan sa Barangay San Jose, General Santos City niadtong hapon sa Marso 2, 2026.
Nahibal-an nga ang tag-iya mismo sa umahan ang mipahibalo sa General Santos City Police Station 7, Regional Mobile Force Battalion 12 ug General Santos City Mobile Force Company nga adunay wala mailhing mga armadong indibidwal nga misulod sa iyang yuta pinaagi sa pagpugos ug guba sa pipila ka bahin sa iyang koral.
Nasakpan pa mismo sa mga otoridad ang tulo ka lalaki nga nagkuha ug nagbungkag sa barbed wire nga naglibot sa maong property ug ni-aksyon pa kini ug sukol ug wala na kini nabuhat tungod diretso na kini sila napasunod ug narekober ang usa ka 9mm nga pistola nga adunay mga bala, susa ka .38 kalibre nga revolver nga adunay mga bala, usa ka .45 kalibre nga magasin nga adunay mga buhing bala ug duha ka fragmentation grenade.
Solido ang PNP sa pagpatuman sa mga balaod arun mamintinar ang kahapsay ug makab-ot ang kalamboan sa atung nasud.