Ni-surrender ang usa ka Team Leader ug duha ka Supply Officer sa New People’s Army (NPA) sa mga otoridad sa opisina sa 1003rd Maneuver Company, Regional Mobile Force Battalion 10 Headquarters sa Sitio Colon, Brgy. Halapitan, San Fernando, Bukidnon adtong Miyerkules, Marso 11, 2026.
Gi-ila ang mga ni-surrender sina alyas “Bogtong/Jo,” 54 anyos, Team Leader sa Guerilla Front Malayag; alyas “Mike,” 27 anyos Supply Officer sa Guerilla Front Malayag; ug alyas “Rolyn,” 47 anyos Supply Officer sa Guerilla Front Malayag ug tanan residente sa Brgy. Mandahican, Cabanglasan, Bukidnon.
Nahibal-an nga gi-surrender ni alyas “Bogtong” ang usa ka unit sa Caliber .45 pistol nga na’ay marka sa “Exported by Norinco,” nga na’ay Serial No. 195859, duha ka steel magazines ug walo ka rounds sa Caliber .45 live ammunition. Si alyas “Mike” kay gi-surrender ang usa ka unit sa Caliber .45 pistol nga na’ay sulat nga “COLT Officer’s ACP” nga na’ay defaced serial number, duha ka steel magazines, ug upat ka rounds sa Caliber .45 live ammunition samtang si alyas “Rolyn” gi-surrender ang usa ka home-made shotgun nga na-ay steel magazine ug lima ka 12-gauge shot shells.
“We encourage other CTG members who are still in the mountains to surrender peacefully and take advantage of the government’s reintegration programs designed to support their return to mainstream society,” mensahe ni Police Brigadier General Christopher N Abrahano, Amahan sa Police Regional Office 10.