Sugatan ang isang truck driver matapos tumaob ang minamaneho nitong truck sa bahagi ng Sitio Lourdes, Barangay Imelda, Villanueva, Misamis Oriental nito lamang Hunyo 14, 2023.
Sa ulat mula sa Villanuneva Municipal Police Station, kinilala ang sugatang driver na si Rolly Chavez, 38 anyos, residente ng Lagonglong, Misamis Oriental.
Sa imbestigasyon ng PNP, habang umaandar paakyat ang isang dump truck ay nawalan ito ng kontrol dulot ng mabigat nitong karga saka umatras pababa at nabangga ang truck ng may dalang mga softdrinks na nagresulta ng pagkataob nito.
Isinugod ang biktima sa Polymedic Hospital, Tagoloan, Misamis Oriental para sa atensyong medikat.
Samantala, nanawagan naman ang mga awtoridad na mag-ingat sa pagmamaneho at sumunod sa batas trapiko upang maiwasan ang anumang uri ng aksidente.