Sikop ang driver ug helper ug nasakmit ang ₱6.4 milyon kantidad sa puslit nga yosi sa gipahigayon nga checkpoint operation sa mga otoridad sa Sitio Marayag, Brgy. Bayanga Norte, Matanog, Maguindanao del Norte niadtong buntag sa Martes, Marso 17, 2026.
Nahibal-an nga nadiskubre ang nagkalain-laing brand sa puslit nga yosi nga mokabat og 7,550 ka reams nga nagkantidad og Php6,460,384.00, nga gitago sulod sa drum sa mixer truck nga gimaneho sa drayber ug kauban niini nga helper nga mga lumulopyo sa Zamboanga City. Ug sa dihang gipangitaan og angay nga dokumento ang drayber ug helper wala kini maipakita, maong gidakop sa mga kapulisan.
“PRO BAR remains steadfast in its commitment to enforce the law and combat all forms of illegal activities in the region. We will continue to strengthen our checkpoint operations and coordination with partner agencies to protect our communities and uphold public order.” mensahe ni Police Brigadier General Jaysen C. De Guzman, Regional Director sa Police Regional Office Bangsamoro Autonomous Region.