Ang Philippine National Police ubos sa pagdumala ni Police General Jose Melencio C Nartatez Jr., Chief, PNP, nagpahibalo nga nakabantay sa mga indibidwal ug grupo nga nagapanikas ug mapahimuslanon sa pagsaka sa presyo sa petrolyo. Tungod niini, gipakusgan sa PNP ang operasyon aron mapugngan ang mga iligal nga kalihokan sama sa overpricing ug hoarding sa tibook parte sa nasud mao kini ang mensahe atol sa gihimo nga Traditional Monday Flag Raising Ceremony karung adlaw sa Lunes, Marso 23, 2026 sa Camp BGen Rafael T Crame, Quezon City.
Dugang pa, andam na usab ang PNP alang sa SumVac (Summer Vacation 2026). Kini nga programa nagtumong sa paghatag og seguridad ug kalinaw sa publiko sa panahon sa Semana Santa diin daghang mga tawo ang mobiyahe ug magbakasyon pa uli sa ilang tagsa-tagsa nga probinsya.
Gibutyag usab ni CPNP Nartatez, nga dugang kapulisan ang gi-deploy sa mga terminal sa bus, pantalan, airport, ug mga lugar nga daghang bisita aron masiguro ang kaluwasan sa tanan.
Pinaagi niini nga mga lakang, gipakita sa PNP ang padayon nga paningkamot sa pagpanalipod sa katawhan batok sa mga abusado ug sa pagmintinar sa kahusay ug kalinaw sa nasud.