Ni-surrender ang duha ka miyembro sa New People’s Army (NPA) sa mga kasundaluhan didto sa Barangay Puyat, lungsod sa Carmen, Surigao del Sur niadtong Sabado, Marso 21, 2026.
Ang mga misurender giila sa ilang mga alyas nga “Akon/Bembem” ug “Jurex.”
Si “Akon/Bembem” miyembro sa Squad 1 ubos sa Sub-Regional Sentro de Grabidad (SRSDG) Westland sa North Eastern Mindanao Regional Committee (NEMRC). Samtang si “Jurex” usa usab ka miyembro sa gi-dismantle nga Guerrilla Front 16B.
Giturn-over pud niini ang duha ka high-powered firearms—usa ka M16A1 rifle ug usa ka M14 rifle—nga parehong adunay guba o gitangtang nga serial numbers.
Ang maong pagsurender resulta sa padayon nga operasyon ug mga programa sa gobyerno nga nagtumong sa pagdasig sa mga miyembro ug tagasuporta sa NPA nga mobalik sa sabakan sa gobyerno arun magsugod ug panibag-ong kinabuhi uban sa ilang pamilya.