Usa ka lalaki ang nakit-an nga patay sulod sa sapa sa Barangay Tiburcia human kini gipusil niadtong Abril 15, 2026 (Miyerkules).
Ang biktima giila sa alyas nga “Jes,” 42 anyos, minyo, ug residente sa Barangay 2, Dulapo, Oroquieta City, Misamis Occidental.
Sumala sa report nga nadawat sa Kapalong Municipal Police Station (MPS), kalit lang gipusil ang biktima samtang nagmaneho sa iyang motorsiklo sa wala pa mailhi ang suspetsado.
Narekober sa mga otoridad gikan sa lugar sa insidente ang usa ka .45 kalibre nga armas, kapin ₱1,500 nga kwarta, ug ang motorsiklo sa biktima.
Padayon karon ang imbestigasyon sa kapulisan ug ang hot pursuit operation batok sa suspetsado nga responsable sa maong pagpamusil.
Source: RMN Davao