Patay ang usa ka high-value target human mauwi sa engkwentro ang buy-bust operation sa Barangay Purakan, Balabagan, Lanao del Sur niadtong Abril 15, 2026.
Ang suspek nga nailhan sa alyas “Gary,” 54 anyos, residente sa Calanogas, giingong misukol ug mipabuto og pusil batok sa mga operatiba, hinungdan nga nabalosan siya ug naangol. Gidala siya sa ospital apan gideklarang dead on arrival.
Sa operasyon sa Philippine Drug Enforcement Agency – BARMM uban sa kapulisan, nakumpiska ang mga 500 gramos nga shabu nga nagkantidad og P3.4 milyon, uban ang 9mm nga pusil, cellphone, buy-bust money, ug ID.
Giawhag sa mga awtoridad ang publiko nga magtinabangay aron masumpo ang ilegal nga droga.
Source: Star FM Cotabato