Isip kabahin sa Summer Sports Clinic 2026, ang Lokal nga Panggamhanan sa Tagum, pinaagi sa Tagum City Youth and Sports Development Office (TCYSDO), naglunsad og libre nga Dancesport training nga gisugdan kaniadtong Abril 30, 2026.

Ang programa gidesinyo aron mapauswag ang talento, disiplina, ug pisikal nga kahimsog sa mga kabatan-onang Tagumenyo.

Gitudloan sa mga batikang coaches ang mga partisipante og different Dancesport disciplines sama sa hustong postura, timing, basic steps, ug epektibong partner coordination. Gitutokan usab ang rhythm, balance, ug gracefulness sa matag lihok aron mapakita ang kahapsay sa matag performance sa entablado.

Pinaagi niini, gilauman nga mas mapalambo pa ang ilang kumpiyansa, disiplina, ug pasundayag isip umaabot nga mga atleta sa Dancesport sa siyudad sa Tagum.