Malampusong gipahigayon ang May Measurement Month 2026 niadtong Mayo 13, 2026 sa Kaamulan Open Theatre, Malaybalay CIty, Bukidnon uban sa tema nga “Measure your Blood Pressure Regularly Para Always Healthy” pinaagi sa panagtinabangay sa DOH-Region X, Provincial Health Office sa Bukidnon, ug City Health Office sa Malaybalay.
Tumong sa kalihokan ang pagpasiugda sa kahinungdanon sa regular nga pagmonitor sa blood pressure ug pagpalig-on sa kampanya batok sa non-communicable diseases sama sa hypertension, diabetes, ug cardiovascular diseases.
Gipasiugda sa mga resource speakers ang importansya sa healthy lifestyle, regular exercise, hustong pagkaon, ug sayong pagpacheck-up aron malikayan ang komplikasyon sa sakit.
Lakip sa mga serbisyo nga gihatud atol sa kalihokan mao ang blood pressure monitoring, Body Mass Index (BMI) checking, ug health risk assessment alang sa mga partisipante gikan sa nagkadaiyang sektor sa komunidad.
Ang maong kalihokan nagpakita sa panaghiusa sa mga ahensya ug komunidad sa pagpalambo sa kahimsog ug pagpugong sa mga sakit pinaagi sa awareness ug preventive healthcare.
Ni: Mhegan L. Dominguez, CHO-NADA