Tingkagol ang duha ka indibidwal ug nasakmit ang P2 milyon nga kantidad sa puslit nga yosi sa gihimong seaborne patrol sa mga otoridad sa Barangay Sugod, Tukuran, Zamboanga del Sur niadtong Mayo 22, 2026.
Nahibal-an nga ang mga suspek nag-edad ug 29 ug 41 anyos, ug pareho nga residente sa Lanao del Sur.
Nasayran nga nasikop ang mga suspek sakay sa usa ka motorized boat nga nailhan sa tawag nga “Tinanggo” o “Subang-Subang” nga adunay kargang 1,750 ka reams sa Astro brand cigarettes nga adunay kinatibuk-ang kantidad nga mokabat sa Php2,005,500 ug walay Bureau of Internal Revenue (BIR) tax stamps ug graphic health warning labels.
Padayon ang PNP sa pagbantay sa mga smuggling nga aktibidad sa probinsya sa Zamboanga del Sur arun mamintinar ang kahapsay ug kalinaw, inubanan sa kooperasyon ug tabang sa katawhan.