Gipahigayon ang SARBAY ReImagined 2026 Coastal Clean-Up sa Ladol Beach, Sarangani Province niadtong Mayo 22, 2026.
Ang maong kalihokan giorganisa sa Local Government Unit sa Sarangani ubos sa pagpanguna ni Rogelio D. Pacquiao isip kabahin sa kampanya alang sa pagpanalipod ug pagpreserbar sa kinaiyahan, ilabina sa mga kabaybayonan sa lalawigan ug miapil ang mga personahe sa Sarangani Police Provincial Office, BFP ug volunteers sa maong aktibidad.
Pinaagi sa coastal clean-up activity, gipakita sa mga kapulisan sa Sarangani ang ilang suporta sa mga inisyatiba nga nagpunting sa pagmintinar sa kalimpyo sa palibot ug pagdasig sa komunidad nga mahimong responsable sa pag-atiman sa kinaiyahan.
Nagpabilin usab nga aktibo ang kapulisan dili lamang sa pagmintinar sa kalinaw ug kahapsay kondili usab sa pag-apil sa mga programa nga adunay positibong epekto sa komunidad ug sa kalikupan.
Subay sa “Makakalikasan” nga core value sa Philippine National Police, ang maong kalihokan nagpakita sa padayong paningkamot sa organisasyon sa pagpanalipod sa natural nga kahinguhaan alang sa umaabot nga henerasyon.