Ni-surrender ang giingong babaeng Medic sa New People’s Army (NPA) sa mga awtoridad sa opisina sa 1003rd Maneuver Company Headquarters sa Sitio Colon, Barangay Halapitan, San Fernando, Bukidnon niadtong Mayo 22, 2026.
Gi-ila ang ni-surrender nga si alyas “Analyn” 33 anyos, minyo, residente sa Cabanglasan, Bukidnon ug gi-ila nga medic sa Squad Dos ilalom sa Sub-Regional Sentro De Grabidad PEDDLER, Sub-Regional Committee 2, North Central Mindanao Regional Committee.
Nahibal-an nga gi-surrender pud niini ang usa ka improvised shotgun rifle nga wala’y markings, usa ka steel magazine, ug upat ka bala sa 12-gauge rounds.
Ang maong pagsurender resulta sa padayon nga operasyon ug mga programa sa PNP ug gobyerno nga nagtumong sa pagdasig sa mga miyembro ug tagasuporta sa NPA nga mobalik sa sabakan sa gobyerno arun magsugod ug panibag-ong kinabuhi uban sa ilang pamilya