2 patay ug pito ang samdan sa nahitabong ambush sa Purok 4, Barangay Malingao, Kadayangan, Special Geographic Area (SGA)-BARMM karung buntag sa Martes, Hunyo 2, 2026.
Giila ang mga namatay nga sila si Musalik Talusan Balang, 45, minyo, residente sa Purok 6, Barangay Malingao, ug Haron Boliongan, 35, minyo usab ug residente sa Purok 4 sa samang barangay.
Lakip sa mga samaran mao si Romeo Lombo, usa ka residente sa Barangay Glad, Midsayap, North Cotabato, samtang unom pa ka biktima ang gidala sa mga ospital sa Midsayap alang sa emergency nga pagtambal. Samtang, padayon pa ang pag-ila sa pipila sa mga samaran hangtod karun nga oras.
Sumala sa tigpamaba sa PNP-BARMM nga si Police Captain Steffi Salanguit, ang mga mirespondeng pulis gikan sa Kadayangan Municipal Police Station gipadala sa lugar human makadawat og tawag gikan ni Barangay Chairman Norodin Dilangalen bahin sa insidente sa pagpamusil.
Narekober sa crime scene ang pipila ka mga kabhang sa bala nga gituohang gikan sa 5.56mm nga mga armas, nga nagpakita sa posibleng paggamit og mga high-powered rifle sa pag-atake sa mga wala pa mailhi nga mga suspek ug padayon ang lalom nga imbestigasyon sa PRO BAR arun manubag ang mga nagpaluyo sa maong ambush nga naghatag ug alarma ug kahadlok sa mga katawhan.