Nanghatag ug school supplies sa mga anak sa Persons Under Police Custody (PUPC) ang mga personahe sa Butuan City Police Station 1 isip kabahin sa pagsaulog sa 2026 World Day Against Child Labor (WDACL) adtong Hunyo 1, 2026.
Gihatag ang mga school supplies nga gipangunahan ni Police Colonel Richie M Yatar, City Director sa Butuan City Police Office, ngadto sa mga anak sa PUPC isip pagsuporta sa pag-eskwela nga mga panginahanglanon sa mga bata ug sa pagdasig kanila nga maningkamot alang sa mas hayag nga kaugmaon pinaagi sa edukasyon ug gi-apilan pud kini ug Jollibee meal nga mao ang ampay nga pagkaon sa mga bata.
Ang maong selebrasyon nagdala sa global nga tema nga “Red Card to Child Labour: Fair Play for Children, Decent Work for Adults,” ug sa nasudnong tema nga “Ikaw, Ako, Tayo: Sama-samang Pagkilos para sa Batang Malaya.”
Pasalamat ang tubag sa mga kabataan ug ilang mga ginikanan alang sa gamay tabang nga gipa-ambit sa Butuan City PNP arun masiguro nga ana-ay magamit atol sa pagsugod sa klase karung school year 2026-2027.
Kini nga inisyatibo nagpakita sa padayon nga paningkamot sa Butuan City PNP sa paghatag og maluloy-on nga serbisyo sa komunidad ug sa ilang dedikasyon sa pagpauswag sa kahimtang sa mga kabataan ug mga pamilyang nanginahanglan og tabang.