Nasikop sa mga kapulisan ang usa ka miyembro sa Dawla Islamiyah nga adunay daghang kaso atol sa hiniusang operasyon sa mga otoridad pinaagi sa security screening process o initial Security Screening Checkpoint sa General Santos City International Airport sa Brgy. Tambler, General Santos City niadtong Sabado sa buntag, Hunyo 6, 2026.
Giila ang suspek nga si alyas “Nexon” usa ka miyembro sa Dawla Islamiya-Hassan Group (DI-HG) ug residente sa Barangay Labu-Labu Mother, Shariff Aguak, Maguindanao del Sur.
Nasayran nga ang suspek nag-atubang og kaso nga frustrated murder, lima ka kaso sa murder, ug robbery with violence against or intimidation of persons.
Solido ang PNP sa pagsikop sa mga tao nga na’ay atraso sa balaod arun mamintinar ang kalinaw ug kahapsay sa atong nasud.