Sikop ang 15 ka indibidwal ug nasakmit ang gibanabana nga ₱77.1 milyon nga kantidad sa puslit nga yosi atol sa anti-smuggling operation nga gihimo sa mga otoridad sa tulo ka makeshift storage nga nahimutang sa usa ka bakanteng lote duol sa baybayon sa Barangay Liangan, Picong, Lanao del Sur niadtong Hunyo 14, 2026.
Nasayran nga adunay kinatibuk-ang 1,803 ka master cases ug 139 ka reams sa nagkadaiyang mga brand sa gidudahang puslit nga sigarilyo, lakip ang Berlin, Cannon, Fort, Modern, Bosqu, Greenhills, Mighty, ug Astro, nga adunay kinatibuk-ang kantidad nga moabot sa ₱77,197,095 ug ang usa ka Caliber 7.62 M14 H&R Arms rifle nga adunay serial number nga 905946 gikan sa usa ka watchtower nga nahimutang sa usa sa mga temporaryong bodega.
“Ang matagumpay na operasyong ito ay patunay ng matibay na koordinasyon at pagtutulungan ng ating mga yunit at partner agencies sa paglaban sa smuggling at iba pang ilegal na aktibidad. Patuloy nating paiigtingin ang ating mga anti-smuggling drives upang maprotektahan ang ekonomiya, mapanatili ang kaayusan, at matiyak na mananagot ang mga lumalabag sa batas,” matod pa ni Police Brigadier General Christopher M Abecia, Regional Director sa Police Regional Office Bangsamoro Autonomous Region.
