Aron mas mapalambo ang paghatag og serbisyo sa panglawas sa mga komunidad, gipahigayon sa City Health Office (CHO) Health Education and Promotion Unit (HEPU) Team ang Interpersonal Communication and Counseling (IPCC) Training alang sa mga Barangay Health Workers (BHWs) gikan sa Upper Pulangi ug Highway Districts.
Gipangulohan ni Mhegan L. Dominguez, LPT, HEPO III ug Keinhart M. Buhawe, RN, ang maong pagbansay nga nagtumong sa pagpalig-on sa kahibalo ug kahanas sa mga BHWs sa epektibong komunikasyon ug pagtambag sa mga miyembro sa komunidad bahin sa panglawas.
Pinaagi sa training, nasangkapan ang mga BHWs sa hustong pamaagi sa paghatag og impormasyon sa panglawas, pagpasiugda sa himsog nga pamatasan, ug pagdasig sa mas aktibong partisipasyon sa mga programa sa panglawas sa barangay.
Gipasalamatan usab sa HEPU Team ang City Health Office, Dr. Dennis P. Sangalangug, alang sa ilang suporta ug pondo nga nakatabang sa malampusong pagpatuman sa maong kalihokan.
Gilauman nga pinaagi niini nga inisyatiba, mas mapalambo ang kalidad sa health education ug serbisyo sa mga komunidad, ug mas mahimong epektibong katuwang sa pagpalambo sa panglawas sa katawhan ang mga Barangay Health Workers.
Ni: Mhegan L. Dominguez, CHO-NAD