Gisiguro sa Philippine National Police (PNP) ubos sa liderato ni Police General Jose Melencio C Nartatez Jr, Chief, PNP, ang malinawon ug hapsay nga pagpatuman sa White Ribbon Movement Rally pinaagi sa pagpalig-on sa mga lakang sa seguridad ug pagdeploy sa igo nga kapulisan sa mga lugar nga pagahimuan sa kalihokan sa Metro Manila karung adlawa, Domingo, Hunyo 28, 2026.
Subay sa mando sa kapulisan, ang tanang personnel nga maoy itudlo sa seguridad sa rally gimandoan nga magpabiling alerto, magpakita og taas nga lebel sa propesyonalismo, ug mosunod sa tanang operational protocols aron malikayan ang bisan unsang insidente nga makasamok sa kalinaw ug kahapsay sa kalihokan.
Gipasiugda sa PNP nga ilang gitahod ug gipanalipdan ang katungod sa matag indibidwal sa malinawon nga pagpundok ug pagpahayag sa ilang mga baruganan, subalit gi-awhag usab ang tanang partisipante nga magtinabangay aron mapadayon ang kahapsay ug kaluwasan sa tanan.
Padayon usab ang suod nga koordinasyon sa PNP uban sa lokal nga panggamhanan, mga ahensya nga nagdumala sa trapiko, mga organisador sa rally, ug uban pang stakeholders aron masiguro ang epektibong pagdumala sa seguridad, trapiko, ug kaayohan sa publiko.
Pinaagi sa hiniusang paningkamot sa kapulisan ug sa komunidad, gilauman nga mapadayon ang malinawon, organisado, ug luwas nga pagpatuman sa White Ribbon Movement Rally.