Hingpit nga gipatuman sa Philippine National Police (PNP) ang maximum tolerance atol sa ikaduhang adlaw sa religious rally, isip kabahin sa ilang tumong nga mapadayon ang kalinaw, kahapsay, ug kaluwasan sa tanan nga mitambong ug sa publiko sa lain-lain nga dapit sa Metro Manila karung adlawa, Hulyo 1, 2026.
Sumala sa PNP, ang maximum tolerance ipatuman aron malikayan ang tensyon ug dili pagsinabtanay tali sa mga raliyista ug sa mga otoridad. Ubos sa maximum tolerance, likay ang kapulisan sa paggamit og puwersa ug mas gipunting ang mahinayong pagdumala pinaagi sa dayalogo, paggiya, ug paghatag og hustong impormasyon sa mga kalahok.
Naka-deploy ang mga pulis sa mga importanteng lugar aron magbantay sa seguridad, magtabang sa pag-uyon sa trapiko ug kalihukan sa katawhan, ug moresponde dayon sa bisan unsang insidente kon adunay mahitabo.
Padayon usab ang koordinasyon sa PNP sa mga organizer ug lokal nga kagamhanan aron masiguro ang hapsay ug malinawon nga pagpadagan sa aktibidad.
Gipasiugda sa kapulisan nga ang pagpangandam ug pagpahamtang sa maximum tolerance usa ka paagi sa pagrespeto sa katungod sa katawhan sa malinawon nga pagtigom samtang gipanalipdan usab ang seguridad sa tanan.