Mibalik sa sabakan sa gobyerno ang tulo ka kanhing miyembro sa lokal nga teroristang grupo, ug narekober usab ang mga pusil atol sa Modified Community Support Program (MCSP) nga gipahigayon sa 34th Infantry Battalion sa Barangay Bialong, Shariff Aguak, Maguindanao del Sur niadtong Huwebes, Hulyo 9, 2026.
Nagmalampuson ang pagsurrender sa tulo tungod sa padayon ug kusog nga kampanya sa kasundalohan, kapulisan, Local Government Unit (LGU), ug sa mga lider sa ilang mga tribo aron makab-ot ang malungtarong kalinaw.
Nasayran nga narekober ang usa ka rocket-propelled grenade (RPG), duha ka Garand rifle, ug duha ka pistola.
Padayon ang AFP ug PNP sa pagsulbad sa insurhensya sa probinsya arun makab-ot ang kalinaw pinaagi sa tabang sa mga katawhan.
