Kauban sa Local Government Unit (LGU) ang mga personahe sa Philippine National Police (PNP) sa pag-apod-apod og relief goods ngadto sa mga pamilyang naapektuhan sa Bagyong Inday sa nagkadaiyang barangay sa Bangsamoro Region karung adlawa, Biyernes, Hulyo 10, 2026.
Nasayran nga naghatag ang PNP og seguridad ug suporta sa operasyon uban sa Municipal Social Welfare and Development Office (MSWDO), Philippine Army, ug uban pang volunteers.
Gipang-apod-apod sa nagkadaiyang barangay ang mga family food packs nga gikan sa Department of Social Welfare and Development (DSWD), diin gatusan ka mga residente ang nakadawat og ayuda.
Tumong sa maong kalihokan ang paghatag dayon og tabang sa mga komunidad nga naapektuhan sa bagyo, samtang gipadayon usab ang kahapsay ug kalinaw aron malikayan ang posibleng kagubot, panagtapok sa daghang tawo, ug uban pang dili maayong mga insidente.
Gipamatud-an pag-usab sa PNP nga kini usa ka kasaligan nga kauban sa LGU ug sa ubang partner agencies sa pagtubag sa mga panginahanglan sa katawhan, ilabina sa panahon sa kalamidad.