Tingkagol ang usa ka giingong miyembro sa Dawlah Islamiyah–Hassan Group nga giila usab isip Top 2 Most Wanted Person sa Bangsamoro Autonomous Region in Muslim Mindanao (BARMM) ug iyang iyang asawa sa sunod-sunod nga operasyon sa Philippine National Police (PNP) ug Armed Forces of the Philippines (AFP) sa Barangay Tukanalipao, Mamasapano, Maguindanao del Sur niadtong Hulyo 21, 2026.
Nahibal-an nga ang suspek gi-ila nga si alyas “Muslimin” giingong nalambigit sa ambush batok sa mga pulis sa Shariff Aguak niadtong Marso 2026 ug sa insidente sa SAF 44 sa Mamasapano niadtong 2015. Siya usab usa ka kanhing bomber sa Bangsamoro Islamic Freedom Fighters (BIFF) ubos sa pagpangulo ni Zainodin Kiaro, estudyante nila Marwan ug Basit Ussman, ug nahimong senior adviser sa Panenekelan Criminal Gang.
Ang suspek nag-sagubang og mga kasong Murder, Frustrated Murder, Robbery, Attempted Murder, ug Double Murder with Multiple Frustrated Murder, diin ang pipila niini walay girekomendar nga piyansa.
Samtang, nadakpan usab ang iyang asawa nga nailhang si alyas “Aiza” human makuhaan sa mga awtoridad og lima ka high-powered firearms, lakip ang Baby M16, M16, ug M14 rifles, tulo ka Improvised Explosive Devices (IEDs), ug usa ka Suzuki Utility Vehicle (Mini Van) nga adunay plaka nga KAM 8564.
“Criminals must be brought to justice at all cost. No one is above the law. Peace and order is non‑negotiable, and the rule of law is absolute — protecting the oppressed and holding accountable those who sow violence. To those who defy the law, let this stand as a warning: justice will hunt you down, accountability will find you, and the guardians of peace will never falter. There is no refuge for lawlessness — the law will prevail, always.” matud pa ni Police Colonel Michael John C. Mangahis, Provincial Director sa Maguindanao del Sur Police Provincial Office.