Nagpahigayon og command conference ang Maguindanao del Sur Police Provincial Office (MDSPPO) isip kabahin sa pagpangandam alang sa umaabot nga 2026 BARMM Parliamentary Elections.
Gipangulohan ni Provincial Director Police Colonel Michael John C. Mangahis ang maong tigom nga gitambongan sa command staff ug mga hepe sa nagkalain-laing yunit aron hisgutan ang mga lakang sa seguridad ug uban pang mga butang nga may kalabotan sa operasyon sa kapulisan.
Lakip sa gihisgutan ang pagpangandam alang sa Peace Covenant signing sa mga kandidato sa parliamentary elections, diin gilauman nga mopasalig sila sa ilang suporta alang sa malinawon, hapsay, ug luwas nga eleksyon.
Gihisgutan usab ang pag-deploy sa mga personnel, operational plans, ug uban pang security measures nga ipatuman sa nagkalain-laing bahin sa lalawigan aron masiguro ang kalinaw ug kahapsay sa wala pa, panahon sa, ug human sa eleksyon.
Sumala sa MDSPPO, tumong sa command conference nga mapalig-on pa ang koordinasyon tali sa mga yunit ug masiguro ang kahandaan sa kapulisan sa pagmintinar sa kalinaw, seguridad, ug kahapsay sa tibuok Maguindanao del Sur atol sa panahon sa eleksyon.
Source: StarFM Cotabato