Gipahigayon ang Civic Parade isip kabahin sa pagsaulog sa 78th Araw ng Kapalong ug aktibong niapil ang 1102nd Maneuver Company, Regional Mobile Force Battalion 11 (RMFB 11) ubos sa pagpanguna ni PCPT CHARLIE P. SO JR, Company Commander (OIC) niadtong Agosto 1, 2026 sa Kapalong, Davao del Norte.
Ang maong kalihokan nagpasiugda sa lig-on nga panaghiusa ug kooperasyon tali sa Philippine National Police, mga lokal nga panggamhanan, uban pang mga ahensya sa gobyerno, ug sa komunidad sa malampusong pagsaulog sa anibersaryo sa lungsod.
Atol sa parada, nagpadayon ang mga kapulisan sa pagpalig-on sa police visibility ug security presence pinaagi sa pagmonitor sa tibuok ruta sa parada aron maseguro ang kaluwasan sa tanang partisipante ug mga manan-aw, ingon man ang malinawon, luwas, ug hapsay nga pagdumala sa tibuok selebrasyon.
Ang malampusong pagpahigayon sa Civic Parade usa ka pagpamatuod sa padayon nga dedikasyon sa PNP sa pagmintinar sa kalinaw ug kahapsay sa komunidad. Nagpakita usab kini sa lig-on nga panag-uban tali sa kapulisan ug sa katawhan, nga maoy pundasyon sa epektibong serbisyo publiko ug mas luwas nga katilingban.