Gipasiugda sa personahe sa Sultan Kudarat Police Provincial Office ubos sa pagpangulo ni Police Colonel Marvin A Fontalva, Acting Provincial Director, ang 1st Provincial Director’s Cup – Sultan Kudarat PSMOC Level 2 Sanctioned Match ug PNP Firearms Marksmanship Proficiency niadtong Agosto 1–2, 2026 sa Datu Pax Wali Firing Range, Barangay Kalandagan, Tacurong City.
Sulod sa duha ka adlaw nga kompetisyon, adunay walo (8) ka hagit nga stages nga naglangkob sa kinatibuk-ang 180 ka rounds alang sa mga kategoryang Handgun, Pistol Caliber Carbine (PCC), ug Precision Rifle Rimfire (PRR).
Ang maong prestihiyosong marksmanship event gipasiugda sa Sultan Kudarat Police Provincial Office sa pakigtambayayong sa Provincial Government of Sultan Kudarat ubos sa pagpangulo ni Hon. Datu Pax Ali S. Mangudadatu, Provincial Governor.
Gipakita niini ang lig-on nga panaghiusa sa mga ahensya sa gobyerno sa pagpalambo sa husto ug luwas nga paggamit sa armas, propesyonalismo, ug kahusayan sa marksmanship sa mga kapulisan, sports shooters, ug mga responsableng firearm enthusiasts.
Atol sa closing ceremony, gihatagan og mga pasidungog ang mga nag-unang mananaog sa nagkalain-laing kategorya isip pag-ila sa ilang talagsaong kahusayan sa marksmanship, disiplina, ug kompetitibong kahanas.
Nagpadayon ang PNP sa pagpalig-on sa kahanas ug propesyonalismo sa kapulisan pinaagi sa mga kalihokan nga nagpalambo sa disiplina, responsableng paggamit sa armas aron magamit sa serbisyo ug pagluwas sa mga lungsuranon.