Gipasidunggan ang 27th T’nalak Festival Incident Management Team (IMT) gikan sa mga personahe sa South Cotabato Police Provincial Office atol sa gipahigayon nga Gabi ng Parangal for the BRAVE nga gihimo sa South Cotabato Gymnasium and Cultural Center sa Dakbayan sa Koronadal, South Cotabato isip kabahin sa pagsaulog sa National Disaster Resilience Month (NDRM) 2026 ug sa 2026 South Cotabato Disaster Risk Reduction and Management (DRRM) Summit.
Ang pag-ila gidawat sa mga miyembro sa 27th T’nalak Festival IMT nga gipangulohan ni PCOL ARGEL N. ANCHETA, Officer-in-Charge sa South Cotabato PPO, uban sila PMAJ Randy S. Apostol, PMSg Eduardo Villaluna Jr., PSSg Antonio Subaldo III, PSSg Mark Oliver Dela Cruz, PCpl Joselito Baytos, ug PCpl John Dindo Derilon.
Ang Gabi ng Parangal for the BRAVE usa ka espesyal nga programa sa pagpasidungog sa mga responder ug partner agencies nga nagpakita og dedikasyon, propesyonalismo, ug talagsaong serbisyo sa pagpalig-on sa disaster preparedness, emergency response, ug community resilience sa lalawigan.
Gihatagan ang kapulisan og Plaque of Recognition isip pag-ila sa ilang epektibong incident management nga nakatampo sa malinawon, hapsay, ug malampusong pagdumala sa 27th T’nalak Festival.
Gipasiugda usab sa maong pasidungog ang lig-on nilang koordinasyon, dedikasyon, ug propesyonalismo sa pagsiguro sa kaluwasan sa publiko atol sa usa sa labing dagkong tinuig nga selebrasyon sa South Cotabato.
Sumala sa South Cotabato PNP, ang maong pag-ila nagpakita sa padayon nga paningkamot sa kapolisan sa pagpalig-on sa disaster risk reduction and management pinaagi sa responsive nga liderato, episyenteng operasyon, ug lig-on nga pakigtambayayong sa nagkadaiyang ahensya aron masiguro ang kaluwasan ug kaandam sa komunidad.