Misalmot sa examination ang unang batch sa mga aplikante sa City Vocational Technical Educational Scholarship Program (CIVOTESPRO), isip usa sa mga kwalipikasyon alang sa libreng 3-Year Diploma Scholarship nga gitanyag pinaagi sa pakigtambayayong sa Korean Philippines Vocational Training Center (KORPHIL) sa Davao City.
Gikapahigayon ang examination adtong Agosto 6, 2026, diin 19 ka estudyante ang mipailalom sa exam alang sa oportunidad nga makakuha og libreng 3-Year Diploma Scholarship sa KORPHIL.
Padayon usab ang pagdawat og mga aplikante alang sa maong programa. Dugang niini, gilauman nga ikaduhang batch sa mga examinees magpailalom sa examination karong sunod semana, Agosto 11, 2026, adlawng Martes.
Padayon nga naghatag og dagkong oportunidad ang Lokal nga Pangagamhanan sa Tagum, ilawom sa pagdumala ni Mayor Rey T. Uy, pinaagi sa Project CO – Programang Pang-Edukasyon, aron masuportahan ang mga kabatan-onan sa ilang pag-eskwela.