33 ka aspiring researchers, innovators, ug student scholars ang mitambong sa Durungawan Research Congress 2026 niadtong Agosto 10, 2026, nga gipahigayon sa Herminigildo C. Baloyo, M.D. Hall., Tagum City, Davao del Norte.
Kabahin sa kalihokan ang pagpabansay nga gipangulohan ni Mr. Marlon C. Suelto, PhD, nga nagtutok sa papel sa kabatan-onan isip mga aktibong partisipante sa paghimo og mga inisyatiba nga makatubag sa nagkalain-laing isyu sa komunidad nga may kalabutan sa:
Sustainable Communities and Environmental Stewardship
Inclusive Education, Health, and Well-being
Innovation, Science, and Digital Transformation
Culture, Identity, and Social Inclusion
Governance, Leadership, and Community Development
Mitambong sa maong congress ang mga Senior High School ug college students gikan sa nagkalain-laing tulonghaan sa siyudad, nga mipresentar sa ilang research pinaagi sa Poster ug Oral Presentation, nga nagtumong sa pagtubag sa mga panginahanglan ug hagit sa komunidad.
Ang Durungawan Research Congress 2026 usa sa mga kalihokan sa Tagum City Youth Festival nga nagtumong sa pagpalambo sa kahibalo ug abilidad sa kabatan-onan sa research and innovation, ug pagdasig kanila nga mahimong aktibong kabahin sa pagpangita og solusyon ug pagmugna og positibong kausaban sa komunidad.
Ang mga mananaog sa duha ka kategorya pagapasidunggan sa Pagpupugay, nga ipahigayon karong Agosto 31, 2026 sa Herminigildo C. Baloyo, M.D. Hall.
