Gipahigayon sa Police Station 8 (Toril) uban sa Task Force Davao, ang legal lecture isip kabahin sa Oplan Pagtuon nga gipangunahan ni Police Major Richeen Lagnayo sa TF Davao Sirawan niadtong Agosto 9, 2026.
Tumong sa maong pagbansay ang husto nga pagdumala sa checkpoint, visual search, katungod sa mga motorista ug border inspection kinsa gitambungan ni Fiscal Jay Karel Sanchez-Salazar sa Office of the City Prosecutor–Region XI isip resource speaker uban ang mga sakop sa Task Force Davao, Police Station 8, ug mga personnel sa imbestigasyon ug intelligence.
Mihatag usab og lecture si PCMS Adnan Ahadain sa City Investigation and Detective Management Unit sa Davao City Police Office kabahin sa mga kaso ug operasyon batok sa ilegal nga droga, smuggling ug loose firearms nga nasakpan sa mga border checkpoint.
Sumala sa Police Station 8, ang Oplan Pagtuon nagtumong sa pagpalig-on sa kahibalo sa mga kapulisan ug force multipliers aron mas episyente ang pagpatuman sa balaod ug pagmintinar sa kalinaw ug kahapsay sa Davao City.