Usa ka Grade 7 student ang giila nga suspek sa insidente sa pagpamusil nga nahitabo sa Ateneo de Zamboanga University–Junior High School (JHS) Department sa Tumaga, Zamboanga City karung buntag sa Martes, Agosto 18, 2026.
Nahibal-an nga nadungog ang sunod-sunod nga mga buto sa pusil sulod sa eskwelahan, hinungdan nga nanggawas dayon ang mga estudyante ug misangpit sa seguridad.
Sa mga video nga mikaylap online, makita ang kagubot sulod sa campus samtang naningkamot ang mga estudyante ug personnel nga makalikay sa peligro.
Nahibal-an nga upat ang kumpirmadong patay. Ang isa ka biktima nga estudyante nga gipusil, duha ka security guards, ug ang suspek nga naghunos sa iyang kaugalingon nga kinabuhi gamit ang pusil nga iyang gigamit sa pagpamusil sulod sa maong classroom.
Ana-a pud uban pa nga mga biktima nga samdan sa maong pagpamusil.
Subo ang nahitabo pagpamusil kay nahibal-an nga nag-live pa ang maong suspek nga estudyante sa iyang Facebook samtang gibuhat ang pagpamusil sa iyang isig ka estudyante.
Samtang nagpadayon ang imbestigasyon sa PNP ug gidasig ang publiko, nga i-guide ang mga anak ilabi na sa mga makit-an sa internet arun dili ma impluwensyahan sa mga dautang mga videos nga mosalmot sa pagpatay sa isig ka tao.
